Бүгін Жамбыл жалпы орта білім беретін мектебінде "Ұлыстың ұлы Наурыз" мейрамына қарсы "Томирис" қыздар клубының қыздарымен “Taqia Fashion week" шебер сағаты өткізілді.
Аталмыш шараны Жамбыл ауылының қолөнер шебері Ошал Жанай жүргізді. Қыздарға тақия жайлы қысқаша мәлімет айтылып, бұл бас киімді тігу құпияларымен бөлісті. Оқушылар өткізілген шарадан ерекше әсер алып, көз жауын алатын тақия тігудің қыр-сырымен танысты.Қазір қыз-келіншектер арасында тақия кию трендте екені белгілі. Ашық түсті матадан тігіліп, моншақпен, қазақы нақыштағы әшекеймен безендірілген тақия, шынында, көздің жауын алады.
